Sufiyana Kalaam

Noor-ul-Ulaa Tashrif latey hain

2012-01-11T00:54:00.000-08:00

Mubaraak ho Jahan Walo Shaha Tashrif latey hain,
Habib-e-Qibriyaa Salle Allaa Tashrif latey hain.

Kasam ALLAH ki dekho Dou Aalam Jag-Maga uthe,
Khuda ka Noor le kr MUSTAFA(SallallahoalaihwasallaM) Tashrif latey hain.

Zamin-O-Aasman Shamsh-O-Qamar Kya Arsh Kurshi tak,
Hai Roshan jinse Sab Woh Malayeka Tashrif latey hain.

Bashr Jinno Malak kya Huro Gilmaa aur Khuda Khud bhi,
Hain Aashiq Jinpe Sab Woh Dilrupa Tashrif latey hain.

Kiye Paida Khuda ne Jinki Khaatir Dono Aalam ko,
Wahi Tafsir-e-LoLaKalma Tashrif latey hain.

Na Aayenge Kabhi Qehr-O-Gazab Ab Jinke Sadqe mae,
Woh Mehbub-e-Khuda Khaer-ul-Wara Tashrif latey hain.

Bayan AUSAAF kya ho Ab Bhala Ausaaf-e-Mehbubi,
Kahe Khaaliq Jinhein Noor-ul-Ulaa Tashrif latey hain.

Naat - Jashn-e-Habib-e-Pak Manane ki Raat

2012-01-11T00:34:00.000-08:00

Ae ! Aashiqo Yeh Dhoom Machane ki Raat hai,

Jashn-e-Habib-e-Pak Manane ki Raat hai.

Duniya ki Zulmato ko Mitane ki Raat hai,

Noor-e-Habib-e-Khaas ke Aane ki Raat hai.

Aayi Nida Yeh Arsh se Jibrael Aaj toh,

Sab Jannato ko Khaas Sajane ki Raat hai.

Rehmat ke Phool Barsenge Abr-e-Karam ke Sath,

Fazle Khuda ke Bantne ki Raat hai.

Ae ! Talibo Jo Mangna Chaho Woh Maang lo,

Kion ki Yeh Khaas Neymatein paane ki Raat hai.

AUSAAF Aaj Mdhey Habib-e-Khuda karo,

Kion ki Yeh Naat-e-Pak Sunane ki Raat hai.

Padho Khub Jhoom kr Tum Darud-O-Salaam Aaj,

Kion ki Yeh Didar-e-Habib-e-Khuda ki Raat hai.

Naat Sharif - Wasiley se maango

2011-12-15T09:25:00.000-08:00

Der-e-MUSTAFA(SallallahoalaihwasallaM) par Salike se maango,

Nigaahein Jhuka kar Karine se maango.

Talab se bhi Zyada milega Yahan se,

magar maango Sacche Aqide se maango.

Karo Pesh pehle DARUD`on ka Tohfa,

Phir AAQA(SallallahoalaihwasallaM) ke Der par Tariqe se maango.

Khuda ki Kasam bhar ke jaoge Jholi,

Tum Aal-e-NABI(SallallahoalaihwasallaM) ke Wasiley se maango.

Milega Tumhe Aaj AUSAAF Behad,

Tum Murshid ke Der ke Dariche se maango.

Naat Sharif - Didar Salamat BaShad

2011-12-15T09:14:00.000-08:00

Aapka Gumbad-O-Minaar Salamat BaShad,

Uspe yeh Barish-e-Anwaar Salamat BaShad.

Dil yahan Noor se PurNoor hue jate hain,

Aapka yeh Hasin Darbar Salamat BaShad.

Eske Zarrat se Roshan hai Zibine kitni,

Aapki Khaake Pa Sarkar(SallallahoalaihwasallaM) Salamat BaShad.

Maal-O-Zar ki Mere Sarkar(SallallahoalaihwasallaM) Mujhe kya Parwah,

Aapka Dast-e-Karam baar Salamat BaShad.

Shoolaye Tur Mubarak ho Tumhein Ae MUSA,

Mujhko Sarkar(SallallahoalaihwasallaM) ka DIDAR Salamat BaShad.

Es Der-e-Paak pe Har Lamha Har Ek Saa`at mae,

Rehmat-O-Nur ki Bochhaar Salamat BaShad.

Maut bhi Aayegi toh Aayegi Rehmat bankar,

Ser pe le Daman-e-Sarkar(SallallahoalaihwasallaM) Salamat BaShad.

Aapka Qurb hai AUSAAF ki Jannat AAQA(SallallahoalaihwasallaM),

Aapka Saaya-e-DIDAR Salamat BaShad.

Naat Sharif - Der-e-Mustafa(SallallahoalaihwasallaM)

2011-12-15T08:55:00.000-08:00

Jo Haji Der-e-MUSTAFA(SallallahoalaihwasallaM) dekh Aaye,

Yakinan Wo Shaan-e-Khuda dekha Aaye.

Madina Munawwar hai Noor-e-Khuda se,

Madine mae Noor-e-Khuda dekh Aaye.

Barasti hai Rehmat Der-e-MUSTAFA(SallallahoalaihwasallaM) par,

Muqaddar se Rehmat Qadaa dekh Aaye.

Toh Jalwaa NABI(SallallahoalaihwasallaM) ka hi DIDAR-e-RAB hai,

Woh yun Jalwaa-e-Qibriya dekh Aaye.

Karam ho gaya Jinpe Kya unka kehna,

Woh Jalwaa-e-Khaer-ul-wara dekh Aaye.

Madina hai Kaaba ,Kaaba hai Madina,

Na pucho ke AUSAAF Kya dekh Aaye.

Manqabat - Hazrat Sabir Kalyari Rehmatullahalaih

2011-12-09T04:04:00.000-08:00

Shaane toh Shaane Qibriya Noore toh Noore Sarwari,

Makhdum Saabir Kalyari Makhdum Saabir Kalyari.

Jane toh Jane Panjatan Aqse toh Aqse Haidari,

Makhdum Saabir Kalyari Makhdum Saabir Kalyari.

Garke Wisaale Haq ho Tum Shaane Kamaale Haq ho Tum,

Tum pe Aayan Sab Raaz hai Bakhshi hai Haq ne Dilbaari.

Makhdum Saabir Kalyari Makhdum Saabir Kalyari.

Khawaja ke Ghar ki Shaan ho Shahe Qutub ki Jaan ho,

Baba Ganjeshaker ne ki Ataa Tumko Anokhi Rehbari.

Rashke Siraj ho Tumhin Banda Nawaaz ho Tumhin,

Kigiye Aqa kigiye Kigiye Banda Parwari.

Ab Kya koi Sawaal ho Tum toh Sakhi ke Laal ho,

Aaya Jo Der pe Aapke Jholi Usi ki hai Bhari.

Sd Shukr Nisbet Aapki Kismet Khuli AUSAAF ki,

Murshid ke Dum se ho Gaya Chishti Nizaami Saabri.

Manqabat - Hazrat Khawaja Gareeb Nawaz(RadiAllahanhu)

2011-12-07T09:01:00.000-08:00

Shehshah-e-Shahe Konen ki Taswir hai Khawaja ,

Haqiqat mae Khuda ke Nur ki Tanveer hai Khawaja.

Dayare Hind se Bu-e-Muhabbet Hamko Aati hai ,

Es Farmane RASUL(SallallahoalaihwasallaM) Paak ki Tafsir hai Khawaja.

Es Andaaz mae Hidayet pr PAYGAMBER Rasq karte hain ,

Ba Faize MUSTAFA(SallallahoalaihwasallaM) Hadiya Aalaamgir hai Khawaja.

Pukara Aapko SARKAR(SallallahoalaihwasallaM) ne Hindal Wali Keh kar ,

Khuda rakhe Salaamat HIND ki Tauqeer hai Khawaja.

Elahi ho Moinuddin Mera Sab se LaSani ,

DUA Khawaja-e-Usman ki Taasir hai Khawaja.

Musarkhar tab bhi Aalaam tha Musarkhar Ab bhi Aalaam hai ,

Kasam ALLAH ki Woh Sahibe Taskhir hai Khawaja

Chuna Mehbub-e-Akber ne ,Nawaza Rabbe Akber ne ,

Muqadder ke Dhani hai ,Sahibe Taqdeer hai Khawaja.

Sar-e-Mehshar Tamasha dekhna AUSAAF kya hoga ,

Uthega Shor Mehshar mae Hamare Peer hai Khawaja.

Salaam with Dua - Hazrat Imam Hussain(RadiAllahanhu)

2011-12-07T08:54:00.000-08:00

Jinko Dhoke Se Kufa Bulaya Gaya
Jinke Bachchon Ko Pyaasa Rulaya Gaya
Jinke Gardan Pe Khanjar Chalaya Gaya
Us Hussain Ibn-e-Haider Pe Lakhon Salaam

Kaun Shabbir? Woh Jinka Nana Nabi(SallallahoalaihwasallaM)
Jinki Maa Fatima Jinka Baba Ali
Us Hussain Ibn-e-Haider Pe Lakhon Salaam

Karliya Jisne Naush Shahadat Ka Jam
Us Hussain Ibn-e-Haider Pe Lakhon Salaam

Jinka Jhula Farishtey Jhulate Rahe
Lorian De Ke Noori Sulaate Rahe
Us Hussain Ibn-e-Haider Pe Lakhon Salaam

Jisne Nana Ka Wada Wafa Kar Diya
Jisne Haq Karbala Mein Ada Kar Diya
Apne Ghar Ko Suparde Khuda Kar Diya
Jisne Neze Par Bhi Quran Padh Diya
Us Hussain Ibn-e-Haider Pe Lakhon Salaam

DUA:-

Saqda AAL-E-RASUL(SallallahoalaihwasallaM) ka sadqa
Sadqa JAAN-E-BATUL ka sadqa
Khoon-e-AKBAR ki dhaar ka sadqa
ASGHAR-E-SHEER KHWAAR ka sadqa
Sadqa ZAINAB ki sarr ki chadar ka
Sadqa SHAH ke loote hue ghar ka

YAA ALLAH HAME QARBALA KE SHAHEEDO KE KHOON KA SADQA ATAA KAR, HAMARE IMAAN KO UNKE SADQE MEHFUZ RAKHA! JAB TAK JIYE GULAAMI E SAADAT ME JIYE AUR JAB DUNIYA KOOCH KARE TAB IMAN KE SAATH KOOCH KARE!

AAMEEN BA TUFAIL E AAL E REHMATULIL AALAMIN(SallallahoalaihwasallaM)

Manqabat - Waqiya-e-Shahadet Hazrat Imam Hussain(RadiAllahanhu)

2011-12-07T08:28:00.000-08:00

Jab sab shaheed ho gey koi nahin raha
SHABBIR ne ye ZAINAB e dilbaar se kaha
"Sunlo tum apne bhai ki ek baat Aakhri
Pyaari behen he ab yeh mulaqat Aakhri

Ham ja rahay hain jaan lutaane ke wastay
Bachpan ka ek vada nibhane ke waastay
Rakhna khayal tum mere bimar laal ka
He Imtihaan Aaj MUHAMMED(SallallahoalaihwasallaM) ki Aal ka"
Sun kar yeh baat ansoo Behen ke nikal pade,
SHABBIR jaan dene ko maqtal mae chal pade!

Ye housla Rasool(SallallahoalaihwasallaM) ke NOOR-e-Nazar ka hai,
Wallah kya kaleja ALI ke pisar ka hai,
Pahuche HUSSAIN fauj-e-sitamgar ke samne
Farmaya ja ke AAP ne lashkar ke samne

Sab jaante ho mujh ko mai SIBT-E-RASUL(SallallahoalaihwasallaM) hun,
Sher-e-Khuda ka laal hun IBN-E-BATOOL hun,
Tum paani band kar ke jo khush ho yeh bhool hai,
Sabr-o-Raza toh AAL-E-NABI(SallallahoalaihwasallaM) ka Usool hai
Razi hun usi pe Jo marzi Khuda ki hai
Marzi he jo khuda ki wo hi Mustafa(SallallahoalaihwasallaM) ki hai

Ae Zalimo khudara sadaqat se kaam lo,
Mauka he ab bhi Daaman-e-SARKAR(SallallahoalaihwasallaM) thaam lo,
Warna baha ke khoon mera kuch Na paoge,
Marne ke baad seedhe jehannum mae jaoge"

Samjhaya har tarah unhe pyase Imam ne
Maani Na unki baat magar fauj-e-shaam ne
Aaya taras na unko Muhammad(SallallahoalaihwasallaM) ke chaen par
Charon taraf se tut parray wo HUSSAIN par

Ghera SHAH-E-MADINA ke pyaase ko es tarah
Zakhmi kiya NABI(SallallahoalaihwasallaM) ke nawase ko es tarah
kay, tapti hui zameen per gira SAYYEDA ka LAAL,
Farmaya "ho qabool Ae Rab-e-Zuljalaal"
Qurbaani yeh Husain ki hai Ibn-e-Batool ki
Mehshar mae bakhsh de tu ummat Rasool(SallallahoalaihwasallaM) ki

AMEEN ALLAHUMMA AMEEN

Manqabat - Khawaja Gareeb Nawaaz

2011-12-03T09:56:00.000-08:00

Karimaa Karsaaza Badshaha Murshida Khawaja,

Sarapa Noor Noore MUSTAFA Noore Khuda Khawaja.

Gareebo ki Himayet Muflison ka Aasra Khawaja,

Sahara Beqason ka hai Mera HajatRawa Khawaja.

Gareebo ka Amiro ka Fakiro ka Badshahon ka,

Kabhi Munis Kabhi Waali Kabhi Mushkil Kusha Khawaja.

Na ho kion Naaz Mujhko Mere Khawaja tumhari Azmat pr,

Ke Aap hain Khaas Mehbube Khuda ka Ladla Khawaja.

Dayar-e-Hind ke Haadi Tum Rehmat ka Khajina hai,

Aapka Der Bab-e-Rehmat aur Aap Shah-e-Huda Khawaja.

Abhi tak Aapke Der se Zindagi ki Bhik milti hai,

Hazaron Jee rhe hain Pa ke Aapki Khaake Pa Khawaja.

Wazifa ho gaya AUSAAF ka Har Saans mae Ab toh,

Mera AQA Mera MAULA Mera DAATA Mera KHAWAJA.

Salaam - Mehbub-e-Qibriya

2011-11-30T06:11:00.000-08:00

Mehbube-e-Qibriya ko Dil se Salaam Bhejo,

Jo ho Adab ke Andar bas woh Salaam bhejo.

Aankhon mae Ashq bhar ke AQA ko yaad kr ke,

Moti hai yeh Nazar ke Ba-Ehtram bhejo.

Sardar-e-Ambiya ko Mehbube Dou jahan ko,

Ghumkhaar Beqasan ko Dil ka Payam bhejo.

Ser ko jhukao pehle AUSAAF Tum Adab se,

Fir Jo bhi bhejna hai Ban kar Ghulaam bhejo.

Ho humko bhi DIDAR Habib-e-Qibriya ka,

Kuch humko bhi Bhik es tarah ka bhejo.

Manqabat - Baba Farid Ganjshaker

2011-11-30T05:57:00.000-08:00

Baba Farid Ganjshaker Baba-e-Azam,

Khawaja Qutub ke Lakhtey jigar Baba-e-Azam.

Nala Hun Ghum se Aaiye Sarkar Madad ko,

Khawaja Moin ke Noore Nazar Baba-e-Azam.

Zulmat ke Ghata Tope Aandheron se Bacha lo,

Rashqe Siraaj Rashqe Qamar Baba-e-Azam.

Sarkar Haqiqat mae Woh Kismet ka Dhani hai,

Mil jaaye Jisey Aapka Der Baba-e-Azam.

Khawaja Moin Khawaja Qutub ke Tufail mae,

AUSAAF pr ho Khaas Nazar Baba-e-Azam.

Naat Sharif - Dilkashi ki Kasam ,Dilkashi Aap hain

2011-11-27T10:57:00.000-08:00

Dilkashi ki Kasam Dilkashi Aap hain,

Roshani ki Kasam Roshani Aap hain.

Aap Aaye toh Har Shye mae Jaan Aa gyi,

Zindagi ki Kasam Zindagi Aap hain.

Har Nazar Shaad hai Har Nazara Jawaan,

Har Khushi ki Kasam Har Khushi Aap hain.

Gul toh Gul Shakh aur Pattiyan keh Uthi,

Taazgi ki Kasam Taazgi Aap hain.

Ser toh Ser Dil bhi Kadamo mae Kham ho gya,

Bandagi ki Kasam Bandagi Aap hain.

Dekhe Ausaaf AUSAAF Bekhud hua,

Bekhudi ki Kasam Bekhudi Aap hain.

Naat Sharif - SallallahoalaihwasallaM

2011-11-26T04:52:00.000-08:00

Wird hai Har Dum jiske lab pr SallallahoalaihwasallaM,
Dur rehenge ussy sab ghum SallallahoalaihwasallaM.

Noore Khuda Anware Do Aalm SallallahoalaihwasallaM,

Malike Qul Mehbube Mouazzam SallallahoalaihwasallaM.

Khaliqe Akber Aap pe Sheda Taje Shafaat Aapko Baqsha,

Warise Ummat Hadiye Aazam SallallahoalaihwasallaM.

Hamid-O-Ahmed Naam Tumhare Shahid hai Quran ke Parey,

Naame MUHAMMED esme Mouzzam SallallahoalaihwasallaM.

Shane Karimi AllahHOAkber Bady Khuda Ho Sbse Behter,

Sbse Mouzzam Sbse Mukarram SallallahoalaihwasallaM.

ZahirOBatin AwwalOAakhir Kamilo Akmal Sabiro Shakir,

Aap pe Kurban Dono Aalm SallallahoalaihwasallaM.

Aap hai Haq ki Khaas Nishani Koi Nahi hai Aapka Saani,

Mazhare Haq Anware Mujassam SallallahoalaihwasallaM.

Ek Nazar Sarkar Khudara Kar Dou Beda paar Hamara,

HafizONasir Rehbare Aazam SallallahoalaihwasallaM.

Chishty Gada AUSAAF ye Kamtar Talib hai DIDAR ka Sarwar,

Ek Jhalak Ae Noore Mujassam SallallahoalaihwasallaM.

Salaam-e-Hussain

2011-11-25T06:48:00.001-08:00

HUSSAIN ibne ALI Tumpe Sau Hazar Salaam,

Hazar Lakh Toh Kya Balke Beshumar Salaam.

Tumhare Nana Nabi MUSTAFA(Sallallahoalaihwasallam) Habibe Khuda,

Tumhare Baba ALI MURTAZA hain Shere Khuda.

Tumhari Walida Kya Khub FATMA ZEHRA,

Tumhari Nisbate Aali pe Baar-Baar Salaam.

HUSSAIN Warise Mehbube Qibriya Tum ho,

Tamam Ummate Aasi ka Aasra Tum ho.

Shakista Kashti-e-Ummat ke NaKhuda Tum ho,

Tumhari Banda Nawazi pe Beshumar Salaam.

HUSSAIN Pekare SabRoRaza Tumhi Toh ho,

Wafa ki Laaz ho Shaane Wafa Tumhi Toh ho.

Huzur Aasra AUSAAF ka Tumhi Toh ho,

Kubul kigiye Shahidon ke Tajdaar Salaam.

DIDARe Habibe Khuda Tumhi Toh ho,

Tumhare Seerat aur Surat pe Beshumar Salaam.